اليوم الثامن/القاهرة
بأيد العلم وفي التانية سلاحي..
،،،،،،،،،،،،،،،،،،،
أنا المصري وعمري ما انام أنا صاحي
شايل بإيد العلم وفي التانية سلاحي
حلفت ياوطن أنصرك واعلي أفراحي
في تلاته وسبعين ضمدت انا جراحي
يا مصر إنت الغالية علي وأنا فداكي
أنا منك وفيك وليكي أنا دايما وياكي
مين يتحمل ضربتي أو تِلفْلفه شباكي
نصرتك ورِجْلي علي راس اللي عاداك
أنا المصري الرجولة مدنجي أو فلاحي
دي الفرحة بيوم النصر السهرة صباحي
جيشك رجالة استفحوا بالقدير الفَتَّاح
جابوا أرضك ومينا كان جنب الضَّاحي
يا مصر إنت نادي تلاقي ولادك معاكي
مسيحي ومسلم في الحال يلبوا نداكي
رجالتك رجعوا أرضك وحموا وسماكي
وكنا أشد من قنبلة هورشيما وناجازاكي
ويوم العبور خلينا العدو ينح نح ناحي
وكان النصر فِ ستة أكتوبر هو وشاحي
يامصر تِسلمي يِسْلم صباحك وصباحي
شايل في إيد العلم وفٍ التانية سلاحي
