تلغرافيات اليوم الثامن..يكتبها اليوم:رؤوف قنش

تلغراف الى

كتبه / رؤوف قــــــــنــــــــش

( الأمه الإسلاميه )

كل عام وأنتم جميعا بخير وسعاده ودايما فى مناسبات مناسبه رايحه ومناسبه جايه استقبلنا شهر رمضان بالخير والروحانيات والقرآن والأذكاروالتراويح وكان والله شهر جميل وخفيف وكان ضيف ياريت الناس تتعلم منه ( يابخت من زار وخفف ) وكمان بنستقبل عيد الفطر السعيد وده المكاقأه اللى ربنا بيكافئنا بيها عايزين ايه بقا من كل الهدايا والمكافأت اللى بيهدينا بيها ربنا دى وبقول لكل الناس افرحوا استقبلوا العيد بالسعاده بلاش الحزن وزياره القبور فى اليوم ده وتزعلوا نفسكم واولادكم مش يومه خالص صدقونى ادعوا بس ان ربنا يتقبل منا صالح الأعمال قولوا آمين .

( الرئيس السيسى )

مش عارف ابتدى ازاى واقول ايه على اللى انت بتعمله خايف اقول كلام او اكتب كلام مش مناسب بس هقول انا تابعت احتفاليه المناره وكنت بالفعل مناره وشباب وخفه وانت بتقابل اسر الشهداء واطفالهم وشفت ازاى بتلاعبهم وبتطبطب عليهم وتمسح الدموع من عنيهم وكمان بتشيلهم على ايديك وبتطبع قبله على جبينهم وقدمت كمان الهدايا كنت حاسس انك اخ كبير للأولاد دول وفى لحظات حسيت انك فى سنهم ايه ده هو لسه فيه كده هوه فيه كده اصلا ايه ده انا عمرى فى حياتى ماشفت رئيس كده قصدى ( بنى آدم كده ) روح ياشيخ الله يعمر بيتك ويخليك ودايما حارق قلوب الملثمين وراسم البسمه والضحكه على وجوه المحبين .

( زوار الفجر )

كلاب ضاله نزعوا عقولهم بأديهم وحطوا مكانها عقول حمير بس انا شايف ان الحمير بتفهم عنهم ( مع كل الأسف للحمير ) بتتخفوا زى الخفافيش وتضربوا فى الضهر وعلى غفله ودايما بتكونوا فعل للأسف مش رده فعل لما تقتلوا بنار بارده شهداء الوطن صباح اليوم وهما بيستقبلوا عيدهم والفرحه فى عنيهم من بعد صيام تبقى هيه دى المكافأه وبتسموا ده رجوله انا مش بلوم اللى شايل السلاح وبيقتل بيه حماة الوطن اكتر مابلوم الأوغاد الكلاب اللى بتموله وبتديه الفلوس علشان يحرقوا قلبنا وبقول لميزان العداله خليك سريع ( شويه والنبى ) وتصدر احكامك على طول وبلاش نركن كده لأنهم خدوا على التنبله وبقوا ( زى العجول ) فى السجون ينفع كده ياميزان والله ماينفع كده وعايز اقول للأوغاد دول ممكن تعيشوا عمركم كامل وتموتوا موته ربنا عادى بس عايز اعرف لما تقابلوا ربنا هتقولوله ايه وهتقابلوه بأى وش يا اصحاب مليون وش .