إنجي يوسف تكتب:
بالعامية…..أعشقي نفسك اولا
اعشقي نفسك. قدري ذاتك. دلعي حياتك. ثقي في نفسك وفي قدراتك وبعد كده اي شيء أخر. اهتمي بتفاصيلك. مظهرك الخارجي ومظهرك الداخلي. اشتري الحاجات اللي بترضيكي وفري صحتك ومجهودك لنفسك. اخرجي مع اصدقاء العمر. استرجعوا ذكرياتكم. اضحكوا. انبسطوا. اسمعي اغاني العبي رياضيه. اجري. امشي. خصصي يوم لنفسك تروحي لكوافيرك وبصي لنفسك في المرايا وقولي لنفسك انك حلوه. غيري الوانك دايما. رتبي بيتك كل فتره بشكل جديد. هتحسي انك بتجددي حياتك. ليه دايما بتأجلي سعادتك لأسعاد الاخرين .العمر بيجري بسرعه واحنا بنعيش حياه واحده. من حقنا نعيشها صح بالطريقه اللي تعجبنا ‘الحياه جميله وعشان تستمر جميله لازم نتأقلم معاها بحلوها ونحلي مرها .الحياه مش هتجامل حد. الحياه عاوزه اللي يعرف يحب نفسه تحت اي ضغوط وظروف .حبي نفسك الدنيا كلها هتحبك
