نهاية حكاية
طويتك نسيتك
في صفحة كتاب
وبشطوب سطورك
وبمحي العذاب
يا كدبة كبيرة
في قلبي اللى شاب
دموعك خداع
وفجرك وداع
وليلك طويل
وشمسك سراب
يا طول انتظاري لفجرك سنين
يا طوووووول العذاب
بصرخة انين
كفاية النهاية بشطبت حروف
وماحي بأيديه كل الظروف
ومالك قرار نهايتك في نار
وقرب خريف
يا اجمل نهاية
في وسط الحكاية
يا كسرة الضلوع
سنيني اسيرك
مصيري مصيرك
وفجرك غيوم
وحضنك هموم
وظلمة غيوم
في بحرك غررررررريق
وشارب كاسات النبيذ العتيق
واقولك يا ريت
يكون اللي باقي
جرة حروف
وتخلص نهاية
عذاب الخسوف
واكسر قيودي
وافتح حدود
واطوي الكتاب
واطوي الكتاب وارجع طليق
مابين السحاب
واغرد واحلم
ادندن وافرح
واعزف في لحني
موسيقة رجوع
بفجري الجديد
طويتك نسيتك
في صفحة كتاب
وبشطوب سطورك
وبمحي العذاب
يا كدبة كبيرة
في قلبي اللى داب
طويتك نسيتك
في صفحة كتاب
بقلم الشاعر المصري/ أحمد إبراهيم النجار
اليوم الثامن
