كلمات “مبطلناش إحساس” أول أغانى ألبوم تأمر حسني الجديد

أخبار كوم /القاهرة

قام النجم تامر حسنى، بطرح أغنية “مبطلناش إحساس” أولى أغانى ألبومه الجديد “خليك فولاذى” المقرر طرحه خلال الأيام القليلة المقبلة، وهى من كلمات الشاعر محمد القاياتى، ألحان محمد حمزة، توزيع أمين نبيل، ميكس هانى محروس.

وتقول كلمات الأغنية:

كبرنا وعقلنا مابقاش كلامهم يشغلنا

ولا بنهتم نعرف ناس بتهملنا

كبرنا وفهمنا عرفنا إن الوجع أوقات

بيجى ويمشى بس عشان يعلّمنا

بطّلنا نقيس مقامتنا بعيون الناس

مش كل الناس بتشوف ولا كل الناس تتقاس

بطّلنا نحب زيادة مبطّلناش إحساس

سيبنا اللى بيسيبنا وبطّل بُعده يتعبنا

بقينا مع اللى فاز بقلوبنا وكسبنا

كبرنا فى عينينا ودى الحاجة اللى تعنينا

بقينا ندوس على الأوجاع تعلّينا

ويقدم امر حسنى فى ألبومه الغنائى الجديد المنتظر طرحه خلال الفترة المقبلة شكل جديد ومختلف، حيث نشر تامر حسنى منشورًا عبر موقع “إنستجرام”، قال فيه إنه سيتبع سياسة جديدة فى طرح ألبومه الجديد “خليك فولاذى”، حيث يكشف عن الأغانى الجديدة بطريقة غير تقليدية، خلال المناسبات التى يتواجد فيها.

وأضاف تامر: “الألبوم قرب ينزل يا جماعة إن شاء الله، وبسمعكم مقاطع بطريقة جديدة غير تقليدية لأنى بدأت فى مرحلة طرح الألبوم لما بتواجد فى مكان أو فى مناسبة”، وأضاف تامر حسنى: “محدش يفتكر إنى مش بسمعهالكم لو مش عايز المقاطع توصل لكم كنت هعمل حفلة خاصة مفيهاش تصوير إنما أنا عارف إن التصوير بيوصلكوا وأنا كمان بنزل مقاطع من الأغانى عندى ليكم