بالعامية..محمود صلاح يكتب:للتعامل أسرار مع ارتفاع الأسعار

بقلم:دكتور محمود صلاح

لعلها الحل
محدش عاجبه ارتفاع الاسعار واما انك تعترض وانت خايف وتعبر عن رأيك وده اخرك فتضايق اكتر وتتخنق اكتر عشان موصلتش لحل
ودماغك بدأت تفكر بس ازاي ده بيحصل وازاي هتعيش ودائرة الصعوبات زادت والازمات زادت وده كله وصلك لضيق الصدر
اتطمن لو مشيت الطريق ده مش هتخرج منه ابدا وهتفضل تخرج من ازمة تدخل في ازمة
…………………………………
بما اننا في امر واقع والاسعار زادت وبتزيد وهتزيد
معلش هقولك علي كام خطوة كده
انا مش افضلكم ولا احسن واحد بيفكر ولا حياتي منغنغة والفلوس زي الرز ومش حاسس بيكم لا ممكن اكون في وضع بتحسب لو اجرة الميكروباص زادت جنية ممكن ألغي المشوار
بس عملت واقفة ركز معايا لعلها الحل
بما ان قوانين ربنا مش هتخليك محتاج حاجة يبقي تعالي ندور عليها بتعمل ايه منها ومقصر في ايه
والاهم من معرفتك انت مقصر في ايه لازم تعرف انت عارف القوانين دي ولا لا
مسألة الرزق والبركة وكل سبل النعيم ربك لخصها في كلمة
” التقوي”
يعني دور انت بتعمل ايه غلط واتقي فعله
واعرف المفروض تعمل ايه واتقي تقصيرك فيه
المسألة دي واسعة شوية هسيبك تبحث عنها
ولكن
فكر كده لو ان كل تفكيرك اتحصر في ازاي :
1_ تضاعف دخلك بشكل متزايد ومتضحكش علي نفسك وتقول مفيش فرص ادي عقلك فرصة يفكر هيطلعلك مليون فرصة
2_ ضاعف معدل ثقافتك من امتي وانت مش بتقرأ حاجة جديدة ولا بتتعلم شئ مختلف اعرف نفسك صح مستواك ايه ومحتاج ايه وطور نفسك بطل تكاسل
3_ اخرج من العيد عامل نظام ليومك استغله افضل ما يكون متحلمش وخلاص ولكن
أحسناستخدامالمتاح
4_ ركز جداً في الفهوم اللي هقولك عليه ده ..لو مش هتقدر تساعد وتسعد نفسك مستحيل تقدر تساعد او تسعد غيرك
“عليكم انفسكم”
كما قال الله تعالي
5_ ابدأ بنفسك واجعل من نفسك قدوة
انت افضل منتج يجب تسويقه اجعله في احسن صوره كما خلقه الله وقال فيه
“لقد خلقنا الانسان في احسن تقويم”

لو شايف انك استفدت من المقال ده تابع الهشتاج علي السوشيال ميديا