تلغرافيات *اليوم الثامن * يكتبها اليوم :رؤوف قنش
تلغراف إلي
فريق سرسو البرامون
من يوم ما ظهر على الساحه الرياضيه وبدأ ياخد مباريات ويلعب دورات على كل شكل ولون وهو عامل ( حاله حلوه ) وعمل شهره وحفر اسمه وسط الكبار وأقل مركز بيوصل له دلوقتى دور الأربعة اى والله دور الأربعة اقل حاجه بيوصلوا لها علشان معاه جهاز فنى محترم ووأعى وواثق جدا من إمكانياته كابتن هانى شكرى وكتيبه لاعبين من الشباب المتحمس ومع صغر سنهم تحملوا المسئوليه ( واحترموا تيشرت بلدهم ) ومليون خط تحت الجمله دى المنظر حلو ومعاهم المصرف المتحد الراعى للفريق الأستاذ محمود الزقم وهيلعبوا نهائى الخياريه وعيونهم على الكاس والمكافأت واللى فى خير يستاهلوا واللى تعب يوصل واللى احترم بلده واسمها يفرح مش كده ولا ايه (ملحوظه ) الفريق ده من غير مركز شباب يابتوع مراكز الشباب والنجيله والأسوار والبوابات والحفلات والعزومات .
فريق فادى فون
لو عايز تعرف مين فادى فون كلمه على التليفون هيرد عليك على طول ويقولك انا فى النهائى ياخلق هوه لأ وايه طلع النجوم قصدى اللى كانوا نجوم وهنلعب بكره قدام سرسو البرامون لاعندنا مركز شباب ولايحزنون ولو خدنا البطوله هنهديها للمسئول اللى تعب وصرف وكون فريق كل الفرق منه مرعوب الصراحه انا مبسوط وياريت نعرف دلوقتى أن الكوره استثمار وصرف مش اى لعيبه وخلاص حتى شكلهم فى الملعب ياعينى عليه شياكه واحترام المنافس ومافيش تعالى ولاكبرياء وعلشان كده وصلتم للنهائى وفاضل على الحلو دقه قصدى ( رنه من فادى فون
جمال الماوردي
ايه ياعم واخد البطوله لحسابك يعنى معلق ماشى حكم مايضرش انا مش بحسدك ( انا بس هقر ) وكنت عايز اقولك انت ( بسبع رئات ) ما يستغنوش عنك وهيختاروك والله اعلم كده ( احسن حكم ) مع كل التقدير لكل الحكام أما انا حلمت لك حتة حلم اللهم اجعله خير انك لابس تيشرت ازرق وبنطلون اسود وعملت ماتش حلو وابقى إفتكرنى حاول تفتكرنى .
جمهور النهائى
بقدر الإمكان استمتعوا وشجعوا اللعبه الحلوه واهتفوا للفرقتين علشان يستاهلوا علشان هما تعبوا واللى يتعب يروح على طول المنصه فى إنتظاره ياخد الكاس والتيشرتات وبعيد بقى عن الضغط العصبى وطبعا سرسو لهم جمهور محترم اكيد ومش عارف فادى فون مين هيشجعه بس اكيد عمل جمهور ومايوصلش كده بالساهل ويمكن الفرقتين دول وصلوا رساله هتعرفوا قيمتها بعدين مش وقتها ( اصل كلمتى دايما تقيله ) اتمنى لكم متابعه جيده مع احراش سرسو البرامون والمكالمات الساخنه مع فادى فون .
