قلبي ما نِسيها
٣٠-٨-٢٠٢٠
١
قلبي ما نسيها
لو مرّت سنين العمر
حتى تاليها ؛
ما زلت اعشقها
وابغيها ……
هي تزوّجت
وأنا ما زلت أناديها
بسرّ الليل وأحكيها
وخبِّر نجوم الليل
عن قلب هاويها
ما حدّ كان في يوم طاريها
والكلّ يعرف ……
إني أهيم في تَباريها؛
وأقول ربّي ……..
رغم الجفا والبعد يِحميها !
٢
ما زلت اشوفها بكل زوايا البيت
وأناديها ……
ما زلت احلم تشبك ايديّ
بإيديها …….
وما زلت انادي عليها كل ليلة
أبغيها …….
والله لو تغيب العمر كله عنّي
ما انا ناسيها !
والله لو تبعد سنين عن عيوني
عيوني ما تجافيها !
محفورةً صورتها بالقلب ملاك
أخلّيها ……
٣
تصدّق يا عمري انا والله للان
ما ناسيها …..!
وبقلبي بعيوني بشراييني دايماً
احاكيها …….!
تصدّق يا العمر إنّي والله للان
ما ناسيها ….!
ولو بعد سنين طويلة ترجع تسمعني
اناديها …….!
