طبعا الف مبروك لأبنائنا الطلبه لإجتياز اليوم العصيب امبارح وإنتظار النتيجه وحالة الطوارئ فى كل البيوت اللى له ابن واللى مالوش الكل منتظر وبيسأل ابنك عمل ايه بنتك عملت ايه مشاركه مجتمعيه حلوه والله الكل عايز يفرح انا ماليش حد فى الثانوى بس كنت بسأل وبتابع زى ناس كتير اوى ياترى ابن فلان عمل ايه وياترى بنت فلان عملت ايه كانت حاله حلوه وفيها اثاره وربنا يفرح الجميع ايه اليوم ده وازاى بنستقبله وازاى بنودعه يا الله تعب طول السنه مذاكره واستعداد وطوارئ ومستقبل بجرة قلم هتبقى هنا وبجرة قلم هتبقى هناك إنتظار الأهل عملت ايه طمنى ودعوات من الفجر للعشيه بجد بجد الف مبروك وربنا مش بيضيع مجهود ولاتعب ولكن بيبعت البرد على اد الغطا وعلى اد ما هتتعب اكيد هتلاقى واهالى الطلاب اكيد تعبوا شغل مصاريف حرمان تأثير على باقى الأسره علشان الصرف على طالب الثانويه شوفوا بقى اد ايه الأهالى بتتعب علشان اولادها وبيحرموا نفسهم علشان مستقبلهم اليوم ده عصيب اوى وفظيع وكأنه يوم القيامه عايز اقول للطلبه اللى حصلوا على مجموع كبير ومتوقع اكيد تستحقوه وطالما صممتوا على المجموع اللى عايزينه يبقى اكيد هتروحوا الكليه اللى انتم عايزينها وهتنجحوا اكيد فى حياتكم وعايز اقول للطلبه الغير موفقين فى مجموعهم وكانوا عايزين اكتر من كده قدر الله وماشاء فعل استمروا اجتهدوا فى اللى جاى واكيد ربنا له حكمه وما بيظلمش اى حد مش كده ولا ايه .
دورة كحيل الصيفيه
دايما اقول عليها من احسن الدورات تنظيم ولعب وإختيار فرق وحضور جماهير ورعاه ولهم صفحه بتتابع الحدث اول بأول صور وفيديوهات ، انا روحت ( العزبه ) دى مرتين تلاته ونقلت افتتاح ونهائى وياريت تحطوا تحت كلمة العزبه الف خط وخط المهم كان فيه امبارح مباراة فى البطوله بين سرسو الدنابيق والنهضه قرأت خير على صفحة البطوله أن بعد إنتهاء المباراة حصل إعتداء بالضرب من بعض لاعبى الفريق ده على بعض لاعبى الفريق ده تقوم اللجنه المنظمه تعمل ايه ( تطبطب ، تقول معلشى ، المسامح كريم ، اشوفكم الماتش اللى جاى يا حلوين ) لا طبعا الغلطان يتحاسب وفورى حرمان الفريق المعتدى من تكملة البطوله حتى لو فريق عالمى ، الثواب والعقاب واللجنه المنظمه اعرفهم بالاسم ناس مش بيهزروا او بيضيعوا وقت واهى بطوله والسلام ومش عايزين نزعل حد واحنا اهل وحبايب وجيران والبيت جنب البيت وكلنا كده عايزين صوره والكلام اللى مالوش لازمه ده انت غلطان هتتعاقب هتتعاقب وقرصة ودن للمخطئ واللى عايز يخطئ أو يفكر أنه يخطئ عارف هيكون ايه عقابه ممكن تكون نرفزة ملعب تمام والشد والجذب موجود حتى داخل الملعب ولكن ضبط النفس مهم جدا فى الأمور اللى زى دى وعايز اقول لأعضاء اللجنه المنظمه لو الفريق المخطئ ده ومسئوليه قدموا اعتذار رسمى اقبلوه بس أثبتوا على موقفكم ده ويلعبوا الموسم اللى جاى وماتطولوش فترة الحرمان وتعلموا ده علشان تشوفه كل الفريق اللى بتشارك معاكم باستمرار شوفوا المبادئ والقيم والقرارات الفوريه من أرض الملعب مافيش خواطر وكلام فارغ وطبطبه أصله جارى وحبيبى وهيبقى نسيبى مافيش الكلام ده انت غلطت تتعاقب كنت عايز اقول وقولت أن كحيل عزبه والأهم أن مافيش عندها مركز شباب ولابيجيلهم دعم من الوزاره ولا يعرفوهم ومالهومش اسم على خريطة الكوره بس فيها ناس محبين عايزين بلدهم تبقى فوق ، كنت عايز اقول فى النهايه انا اقول حكايه حصلت من زمان اعرف مركز شباب وله جمهور كبير واسم عظيم وكل الفرق تعمله الف حساب فى الفتره دى الفريق خسر مباراة والجمهور وجه له لوم يقوم اللاعب على كوبرى بلده يقلع تيشرت فريقه وبنرفزه يرميه على الأرض ولاعبر اى حد ولا احترم بلده وتلفظ كمان وكل ده مافيش مشكله خالص وماعملش اى حاجه وكأنه كان بيبوس الفانله ووقعت منه غصب عنه واحنا اللى شوفنا غلط وبعد ده واللى عمله اللاعب الإدارة تعمل ايه مافيش عقاب ولا إيقاف ولا اتشطب اسمه من السجلات وحرمانه من دخول النادى ولايلبس التيشرت اللى رماه تانى تخيلوا محصلش اى حاجه من دى خالص وايه المسئولين كانوا بيتحايلوا عليه علشان يرجع للفريق من تانى والنبى ارجع علشان خاطرنا وخاطر الجمهور اللى بيحبك الله على الكلام والمبادئ والقيم تخيلوا اتأثرت وانا بكتب الكلام ده صدقونى اللاعب ده لو بيلعب فى فريق عزبة كحيل وعمل كده كانوا قدموه للمحاكمه بتهمة اهانة عزبتهم ده الفرق يا جماعه الأدب والأخلاق الثواب والعقاب العزبه عملت ايه اللى ملهاش مركز شباب والقريه عملت ايه اللى ليها مركز شباب ملعب ومبنى ومجلس اداره طيب نايم فى العسل وجمعيه عموميه سلبيه ولا فى الدنيا وكوبرى اترمى عليه التيشرت بالمنظر المهين ده
