الموسيقي سر الحياه
العشق الحقيقي اعجوبه من عجائب الدنيا. لغه مفهمومه لجميع الاجناس الموسيقي بتخلق حاله من السعاده. معاك في فرحك وشجنك وخوفك وقوتك بتديك حاله من الطاقه وحاله من الاسترخاء.
هتحسها في كل كائن حي او جماد اصوات مختلفه . الموسيقي ذكري معاك لكل موقف عشته. كل لحن سمعته في مكان هيفكرك بنفس الحاله اللي عشتها وكأنك عايش فيها في نفس توقيتها مع نفس الاشخاص.
صوت العصافير الصبح هيفكرك ببيتكم القديم. صوت المعلقه في كوبايه الشاي وانت بتقلبها بتون محفوظ لودانك بنفس الطريقه هيفكرك بأمك وهي بتحضرلك فطار المدرسه. صوت تخبيطها في الحلل موسيقي.
كحه ابوك الصبح وصوت مفاتيحه في الباب موسيقي. صوت زغاريط الفرح بنجاحك صوت بكاء اول طفل ليك موسيقي !ربنا وهب لينا اكبر النعم وهي نعمه السمع انها تفرق الاصوات من حولك، وتستمتع بكل نغم ولحن صادر من اصوات البشر او الالات الموسيقه وتقدر تحسها وتتمتع بيها ،وتفهم لغتها وتدخل في عالم كله خيال واحساس مرهف لدرجه شعورك انك لامس نجمه من السما دي نعمه كبيره.
الموسيقي علاج للاكتئاب وعلاج لامراض خطيره. الموسيقي هتنشطك وتواسيك وتهذبك وتعلمك تعرف تحس بمتع الحياه
اليوم الثامن
