إنجي يوسف تكتب:
بالعامية….الحب عند البلاء
احساس جميل لما ربنا بيتليك ببلاء الحب فجأه تحس انك مبتلي بحب كل اللي حواليك 🙏هتحس الشعور ده لما تسقط فجأه بدون سابق انذار الي عالم المرض 💉 الدنيا هتتشقلب معاك وهتغير كل مفهومك للحياه ولكل فرد كنت بتتعامل معا ! انا مع مقوله الجنه من غير ناس ما تنداس والحياه من غير ناس بتحبك من قلبها تصبح حياه بلا معني ! لما فجأه تحس وانت في شدتك وعز ألمك انك مغرم بالحب ❤️. الزوج الاخوات الاصدقاء الاولاد ! هتعدي بدعواتهم وحبهم ودعمهم. هتعدي لانك اتأكدت ان حياتك في أمان مع ناس شالت عنك كتير. وشاركتك كل لحظه ألم مريت بيها هتعدي عشان الحب بيشفي القلب ويغسل همومك وينقي روحك من شوائب الدنيا ❤️هتحب. الابتلاء اللي اخترق حياتك فجأه وعرفك علي بياض القلوب ،،،من حبه ربه ابتلاه بالحب
