بالعامية..إنجي يوسف تكتب ….. أعراض الحب في العشرين
اعراض الحب وانت في العشرين من عمرك هي نفس الاعراض روميو وچوليت .عنتر وعبله وقصص كتير من العصر الجاهلي والفاطمي والاموي😜 الحب من اجمل المشاعر اللي بيعيشها اتنين. إرتبطوا ببعض كيمائيآ. انك تحب حد من النظره الاولي وتحس ان فيه سهم اخترق قلبك بمجرد ما عينك تيجي في عينه. او تسمع صوته تحس بالدم اللي ماشي في شراينك وانت منتظر لقاء بينكم ‘تفكر في كل كلمه سمعتها منه وتعيدها لنفسك كل لحظه عشان تفتكرها عمرك كله تحب كل مكان روحتوا فيه مع بعض. تراقب تفاصيله في الكلام في الزعل في الخناق في المصالحه. تحفظه تحب فيه كل الصفات حلوها ومرها ‘تحس وانت معاه ان الوقت مر كأنه ثواني. انك مش قادر تبعد عنه. روحكم بتحس ببعض حتي لو في ما بينكم بحار وحدود ممكن تفكر فيه في نفس اللحظه اللي فكر هو فيك وتحس ان فجأه قلبك هيقف ❤️ تفتكر عطره المفضل اللي بيكون مميز عليه هو بس تعشق جنانه وتحترم عقله. تحس انك ملكت الدنيا بوجوده معاك. مش هتخاف من زمن ولا ظروف ولا فراق هتحبه فالدنيا وهتدعي ربنا من كل قلبك يكون معاك في الجنه لانك ببساطه مش شايف ولا حاسس بحد غيره هو الأمان الحمايه السند. الحبيب. الاخ الابن. الصديق. هو. معني العشق. هو الحب الحقيقي اللي مش ممكن يتكرر في حياتك تاني ابدا. الحب اجمل احساس في الوجود هو الدوا لمرض القلب
