عماد الجندي يكتب: يا بهاء ..هكذا ناداة الرئيس !
عماد الجندي يكتب: يا بهاء ..هكذا ناداة الرئيس !!!
كتب : عماد الجندى
شخص غامض نادى عليه الرئيس السيسي في مؤتمر الثلاثاء الماضي لما قال: أنا بقول لكم متقلقوش عندنا احتياطي كفاية مش قصدي احتياطي وزارة الصحة أو الدولة أو حتى احتياطي الجيش لا أبدا”، ثم نادى على شخص يجلس خلفه يدعى بهاء لم يكشف عن هويته وقال له “يا بهاء مفيش أي حاجه تتصرف من الاحتياطي اللي عندك من غير ما ترجعلي”
س .مين هو بهاء؟
.. وايه منصبه؟
وليه الرئيس السيسي نادى عليه هو تحديدًا دونًا عن الآخرين؟
هو اللواء بهاء الدين زيدان، مدير مجمع الجلاء الطبي للقوات المسلحة، ورئيس الهيئة المصرية للشراء الموحد والإمداد والتموين الطبى وإدارة التكنولوجيا
الطبية، وكانت وظيفته السابقة هي مدير مجمع الجلاء الطبي للقوات المسلحة
الرئيس السيسي أصدر قانون بإنشاء الهيئة دي في أغسطس سنة 2019
ايه مهام الهيئة دي؟
1- تتولى دون غيرها إجراء عمليات الشراء للمستحضرات والمستلزمات الطبية لجميع الجهات والهيئات الحكومية
2- إعداد الموازنة التقديرية
السنوية اللازمة للشراء
3- إعداد خطط وبرامج وقواعد التدبير والشراء الموحد من الداخل والخارج
4- التعاقد مع الشركات لشراء المستلزمات الطبية وإدارة تخزينها ونقلها وتوزيعها
5- التنسيق مع الشركات الطبية لتعزيز المخزون الاستراتيجي الطبي للدولة لمواجهة أي ظروف استثنائية
6- وضع الإجراءات والتدابير الضرورية لمواجهة حالات الطوارئ بالتنسيق مع باقي الجهات المعنية
السؤال المهم : إزاي يكون فيه جزء من موارد الدولة مفيش حد يعرف عنه حاجة لا من حيث نوعيته ولا كميته، لا حكومة ولا برلمان ولا حتى مؤسسة الجيش، ومحدش يعرف -أو هيعرف- مين بيتصرف فيه وإزاي ؟
ومتروك بإيد شخص واحد ومحدش بيسأله بتعمل إيه بيه ؟
في أي دولة في العالم بيحصل كده ؟
سؤال محدش يعرف إجابته، غير اتنين،
الرئيس السيسي وبهاء .
اللهم احفظ مصر جيشا وشعبا .
