الجواب الصعب
متسألنيش عن الماضي
عن الحاضر وبكرة الجاي
متسألنيش عن الأحلام عن الأيام
ده انا غنوة في سطر اخير
ومعزوفه بنغمة ناي
ده انا المجروح بأوجاعي
وراح الضؤ ومات الضي متسألنيش
معدشي نهار ولا باين
في يوم الفجر ولا مرت
في يوم ليله واعيش لحظة
بساعة القدر ما راح الفجر
من ازمان وانا عايش
في بحر الصمت
متسألنيش ومش لاقي
جواب كافي
ولا عارف اقولك ايه
ده ذاد الحمل في اكتافي
مشيب شعري بيحكي سطور
وبالصبغه يادوب بدريه
ومحني العود
ولا قادر اخطي حدود
ده انا مشلول ومتقيد
في وسط دروب
وليل بارد بيلسعني
وجسدي نحيف
ومارد في الطريق واقف
بشكل مخيف
وانا جسدي اللي محني ضعيف
اقولك إيه
متسألنيش متسالنيش متسألنيش
بقلم الشاعر المصري أحمد إبراهيم النجار
