اليوم الثامن
تلغراف الى
** عبد العزيز عبد الشافى
امبارح بقى مستشار فنى لفريق بيراميدز جميل جدا فين بقى المشكلة أنه يشتغل فى نادى بيراميدز قامت الدنيا على الراجل كأنه عمل جريمه ولازم يتعاقب وداس ياعينى على المبادئ والقيم بتاعت الأهلى انا مش عارف الأهلى ماله ومال أن الراحل ده يشتغل ولا ما يشتغلش الأهلى مش طرف الراجل عايز يشتغل نقوم ندبحه ونقسوا عليه بالشكل ده علشان المناحرة الموجودة بين جمهور الأهلى والزمالك ده كلام ، انا مش عارف فين المشكلة وإيه اللى عمله يكون خارج عن المبادئ الراجل عايز يشتغل فين بقى المكان مش مهم الأهم يكون عمل محترم وشريف وليه الهجوم عليه بالشكل ده العمل مش جريمه ولاحرام ومش مطلوب منه طالما عنده صحه وقادر على العمل أنه يقعد فى البيت وينتظر الموت ، مش طريقه دى يا جماعه مواقع التواصل بهدلت الراجل وكأنه رايح يشتغل ويعطى معلومات عن بلده لليهود وتقولوا داس على المبادئ والقيم والكلام اللى مالوش معنى ده اذا كان عبد العزيز عبد الشافى ابن الأهلى وخدمه ومالوش فرصة عمل فى ناديه وبحث عن فرصه عمل فى ناحية تانيه تكون فى بيراميدز الزمالك المحله مش مهم انتم نسيتوا أن أبناء الأهلى ماسكين بيراميدز على مستوى الإدارة واللاعبين ده رئيس النادى كان حسام البدرى ابن الأهلى وفى ظل المشاكل بين الأهلى وبيراميدز استمر فى منصبه عادى جدا ده شغل ، ياجماعه سيبوا الناس تشتغل وتجتهد ، الإنجليز إحتلوا مصر وكانوا مطلعين عنين أبنائنا وأجدادنا خلاص نبعت نجيب محمد صلاح المحترف عندهم ويقعد فى بيتهم ويادار مادخلك شر .
** الصفقات الجديدة
بعد إنتهاء كل موسم تهل علينا الصفقات الجديدة كل فريق بيجيب اللعيبه اللى محتاجها ( أو مش محتاجها ) علشان العند بس وهاخد اللاعب ده علشان ما يلعبش عندك طالما كنتم عايزينه انا شايف من وجهة نظرى كتر الصفقات بتضر اكتر ما بتنفع الكل عايز يلعب والملعب فيه ( ١١ ) لاعب بس وملايين بتدفع فى لعيبه ماتستحقش ( ١٠٠ ) جنيه ولو ما فيش فريق طلبه ممكن يروح يلعب فى اى فريق ببلاش للأسف المكابرة والخناق على اللعيبه رفع سعرها اوى واللاعب هوه الكسبان الوحيد من الهرى ده وعلشان اكون صادق فى كلامى أى لاعب مثلا بيبقى عايز الأهلى ويقول اشعار فى الأهلى ومش هلعب الا له وفى لحظة الزمالك ياخده تلاقيه غير كلامه مليون درجة ويقول نفس الإسطوانة وبقدرة قادر الزمالك بقى كل حياته والعكس صحيح اللاعب إنتماؤه الوحيد هو المال واسم النادى وجماهيره ييجوا بعدين والدليل لما لاعب يلعب فى الزمالك ويجيب جون تلاقيه يتنطط ويببوس شعار النادى الموجود على الفانله ولما يروح يلعب فى الأهلى ويحب جون يعمل نفس الحركات والكلام الفارغ ،المال هو الحياة هو النجاة هو الأمل أما النادى مرحلة وهتعدى وياريت بنتعلم ومش هنتعلم .
** شوقى عبد المنعم
ابسط ياعم مين قدك جايلك دعوة من مجلس إدارة مركز شباب ميت مزاح المحترم علشان تعلق على النهائى وماكونتش اعرف أن المجلس ده عينه حلوة وكمان ( ذواقة ) واكيد أملهم وحلمهم أن النهائى ينجح ويطلع بصورة محترمة يعملوا ايه بقى على طول دعوة للعندليب علشان يغرد ويشدو وعنده كل الجديد حتى لو كانت ( إحذر من دى ) اعتقد كابتن شوقى ستتألق اليوم وتكون جدير بالثقة والجماهير ستتفاعل مع تعليقك ومجلس الإدارة أعطى درسا كبيرا فى كيفية العلاقات بين القرى وكيف تكون تقوية الأواصر وتقريب المسافات اتمناها نهائى كبير كما عودنا ميت مزاح دمت متألقا كابتن شوقى شابوه مجلس إدارة مركز شباب ميت مزاح على هذا الإختيار الموفق للعندليب ليكون معلقا على النهائى وأعتبره من إنجازاتكم .
