رسائل مبهجه.
اجمل لحظات حياتنا بنعيشها لما بنستقبل رساله مبهجه ضوء ينور طريقنا من بعيد ممكن تكون رساله من ربنا في وقت محتاج أيد تطبطب عليك وتقولك كمل انت صح وانا معاك ممكن تكون رساله من صديق قديم انقطع بينكم الاتصال وتواصلك معا هيسعد يومك بأجمل الذكريات. معظمنا بيستقبل رسايل علي مدار يومه عن طريق مواقع التواصل من فيس بوك واتس اب ورسايل تليفون. لكن كام رساله فيهم بتمس قلبك وتسعد يومنا . ووتفائل بيها. رساله واحده بتغير مزاجنا وترجع الابتسامه وتنعش قلبنا بالفرحه. في رسايل بننتظرها وبنستقبلها وفي رسايل بنعيش علي امل استقبالها. وما اجمل رسايل ربنا الجميله في صوره اشخاص بنقابلهم ويكونوا مصدر سعاده وتفائل برسائلهم المبهجه
