كتب : محمد الزوايدى
لا شك أن مريض السحر والحسد يكون فريسة للمشعوذين والدجالين واستغلالهم ماديا لذا نقدم لكم خطوات لعلاج منزلك من السحر والحسد وطرد الطاقة السلبية من المنزل
شراء ملح خشن تقريبا ب٢٠جنيه أو ٣٠جنيه وكل اسبوع ضع منها مقدار كوب شاي ملح وقم بغسل الحمام و المرحاض ، وهتلاحظ الفرق في البيت
– وضع علبه فاضيه ووضع ملح ونصف ليمونه وشويه خل عليهم قليلة الخل عشان الريحه ، وحطيها تحت السراير تحت كل سرير علبه وهتلاحظ الفرق في البيت والنوم .
– تحريك العفش ونظافة ما تحته ورش ملح تحته ويترك
ونظافة ما فوقة فوقه من الأتربة والكراكيب
عدم وجود الدباديب وأشكال الحيوانات أو الطيور في المنزل وهتلاحظ الفرق .
-قفل باب الحمام طول الوقت وبليل تشغيل النور فيه لمده اسبوع وبعدها اقفل بابه بس وعدم تشغيل نور ، وامسحيه بماء وملح وشبه ، وهتلاحظ الفرق
– رش المراتب بماء مرقي عطري فرش سريرك بمسك بدره أو ماء مجرد ريحه بس ، شيلي الكراكيب اللي تحت السرير ونظفي تحته ، هتحسي بفرق كبير
– قدمك تعبانة. حنيها بحنه بلدي بس اعجنيها بماء ورد وهاشوفي الفرق .
– شيل الصور من البيت احفظيها في درج أو دولاب ،
اقف في اتجاه القبله في كل مكان في البيت ماعدا الحمام وادعي هتحسي الفرق والله .
– بخر بيتك بحبه البركه بس بلاش الحمام يخشه نار أو بخور ولكن وانتي بتبخري سيبي بابه مفتوح وممكن أضيفي شيح للبخور، وشوفي هتنامي ازاي والأرق هيروح ازاي .
– ارمي الكراكيب اللي مش عايزاها ، وارمي الهدوم القديمه والاكياس والكراتين اللي ماليه البيت ، الكركبه بتجلب الجن للبيت ، رتبي بيتك واستغني عن اللي مالوش لازمه ، وشوفي الفرق .
– لما تمسح بيتك حطي شويه ملح وخل في الجرد وياسلام لو تشتري ماء زهر وشبه كمان ودول يبقوا معاكي كل مره بتمسحي ، هتحسي بفرق كبير اووي .
– شغلي سوره البقره في البيت وعلي الصوت وافتحي الابواب والشبابيك يومين علي الاقل في الاسبوع ، وبعدها قفلي البيت وشغلي سوره ال عمران بصوت مسموع هادي . وياسلام لو عود بخور مسك أو عود أو ريحان يتولع في البيت . حاجه جميله اوووي وهتحسي الفرق والله .
-رتب حياتك لنفسك محدش فاضيلك يرتبهالك ، اطرد الطاقه السلبيه من البيت ، عشان تحس أنه بيت وتحب وجودك فيه ، غير تتغير .
