حنان فتح الباب تكتب:خواطر عابرة..”زمن عجيب وناس عجب”

اخبار كوم/القاهرة

خواطر عابرة
بقلم/حنان فتح الباب

زمن عجيب وناس عجب…
ويرحل الطيبون…وناس تراب وناس دهب
وحقد وغل جوه قلوب بالضبط شبه ابو لهب
وناس لا لها في اللوم ولا العتب
وناس تكتب فيهم كلام ما غيره اتكتب
اصلهم وقت الشدة كانت وقفتهم عجب
ولاد اصول وجدعنة…..معدن نفيس ما تلاقي زي اتوجد.
وناس علي الحلوة والمرة معاك…وناس ليهم في خيرك بس..غير كده تلاقيهم..في منتهي قلة الادب.
ناس تجمع ما تفرقش…وناس تفرق بين الاحبة اصل مبدأها “فرق تسد”.
وناس تسيب ذكري جوة القلب حلوة…وناس اول ماتفتكرها يصيبك الهم والتعب.
ناس عاوزة تسرق منك الفرحة….وناس تجري وترمح عاوزة تجيب لك الفرح في زكايب …يا اخي ده شيئ عجب.
ناس تحبك…وناس تكرهك كدة من غير سبب.
ناس مهما يحصل ..تركز في حياتك وتقول هو لسة كارت الحظ معاه ولا اتسحب.
ناس اول ما تشوفها تقول اعوذ برب الفلق…واعوذ من شر غاسق اذا وقب.
مش قولت لك…زمن عجيب وناس عجب.