خواطر.اليوم الثامن.ماجد السلهام يكتب: خاطر.. الله

اليوم الثامن

خاطر الله ..

ما اريد اظل وياك لا لا ما اريد .. لخاطر الله عوفني وروح للأبد ..

شوف لك غيري حبيبي حب جديد .. من هسه ابتعد عني وشرايد بعد ..

عيشتي وياك بعد لا تقلي تفيد .. جروح وألم وآهات وحزن بروحي گعد ..

شگد شفت منك عذاب وراسك عنيد .. قاسي ولا رحمه بداخل گلبك أبد ..

تجرح وتحط فوگ جرحي أسيد .. وتحرقني كل ما شفت جمري هجد ..

خايف أجيلك وادموع عيني تزيد .. وانت بعذابك اتزيدني برگ ورعد ..

نشفت ادموعي ونشف دم الوريد .. والكل تركني وما بقى يمي أحد ..

هسه وبصراحه گلي مني وشتريد .. يا عمي روح ما أريدك اني للأبد ..