إيمان عامر تكتب: اتغرى لو انتى…رومانسية ..

اتغرى لو انتى…رومانسية

اتغرى لو انتى…رومانسية
جواكى انوثتك… مخفية
من برة الطفلة المجنونة
من جوه رقيقة وحنونة
فى الحب مشاعرك نووية

اتغرى لو انتى وناسة
شفافة جميلة وحساسة
حواليكى الناس بيحبوكى
صعب يعاشروكى وينسوكى

.. طبعك تلميذة وأستاذة
اتغرى لو انتي بميت راجل
مش واحدة ضعيفة بتتاكل
.. مسنودة بضهرك فى الدنيا
.. ممكن فى اقل من الثانية
.. تقوى وتتحدى مشاكل

.. اتغرى لو انتى فنانة
جواكى طبيعتك انسانة
.. بتسيبى البصمة فى احساسهم
بتهزى كياتهم وأساسهم .
. على طبيتك ولا يوم ندمانة
.. اتغرى لو انتى بتصونى
مخلصة مش ممكن هتخونى

.. لو مين هيقابلك فى حياتك
غيّر احساسك وثباتك ..
ع المبدأ دايمًا بتكونى
.. اتغرى مادام بنت طموحة .
. على قد ما بتكون مجروحة
.. بتفوّق نفسها فى الآخر .
. وبشكل كوميديانى وساخر
.. تعلى على النخلة المطروحة

.. اتغرى ب حُب المزيكا
.. وبعزفك للصبا و السيكا
.. وغناكى فى لحظات أحزانك
أو حتى فى أفراح وجدانك
.. ده الفن فى دمك تحويجة

.. اتمايلي ودندنى بحروفك
مش قابل عذرك وظروفك
.. لو مرة تبطلى أشعارك .
. فى خيالك وجمال أوتارك
اتغرى بقلمك وكفوفك
اتغرى لو انتي رومانسية
جواكى أنوثتك مخفية