اختاري شريك حياتك بدون خساير
كلنا بنسأل نفسنا عند لحظه الارتباط بشريك الحياه ؟
نختار اختيار القلب. ام العقل ؟ لكل فتاه مقبله علي حياه جديده شروط في شريك حياتها وصوره لفتي احلامها رسمتها بخيالها مع اول خطوات المراهقه.
في مواصفات كتير لاختيار الشريك المناسب منهم صفات اساسيه حفظناها من كثره سمعاها. اختاري ابن الاصول. الكريم. الطيب المتدين الطموح. وطبعا كلها صفات جميله. وموصفات شريك الحياه بتتغير مع النضوج في السن والعقل بمعني اللي يعجبك انهارده ممكن ما يعجبكيش بكره واللي اختارتي امبارح وانتي في سن صغير مع النضوج بتشوفي بشكل تاني خالص
من وجهه نظري المتواضعه عند اختيارك شريك حياه اختاري السند اختاري الرجوله اختاري المحترم. رقم واحد. لازم يكون بار بأهله يحترم امه وابوه عشان هيحترمك انتي واهلك وولادك هيحترموكي بعد كده.
اختاري صاحب الشخصيه القويه مش المسيطر وخلاص لا اللي بيقنعك وبيتناقش معاكي وبتتأكدي ان رأيه غاليآ صح اختاري الكريم. اللي يكرم اهلك واهله اللي بيته دايما هيكون مفتوح للكل بالخير. ما هو انتي هتحبيه اكتر لما تعرفي ان الكل بيحبه وانه صاحب واجب مع الكل صدقيني هيشرفك وهتفتخري بيه .
اختاري الحنين اللي يحس بوجعك وتعبك ويقدره هيحبك تحت اي ظروف وهيقف معاكي في لحظات تعبك لانه حب روحك مش شكل وجسم وخلاص. اختاري أب لولادك يشرفهم يكون محترم واصيل واسمه يشرف وسط الناس مش الفلوس اللي هتشرفك صدقيني.
اختاري الراجل اللي يحافظ علي كرامتك ويلبسك تاج الملكه وتحسي انك اميرته فعلا مش بالكلام بالفعل اختاري اللي هتقدري تعيشي معاه العمر كله صاحب القلب الكبير اختاري الجبل اللي هيحميكي وتتسندي عليه اختاري اللي تقولي جزر تلاقيه قدامك في اي مكان في نفس اللحظه اللي احتاجتي فيها. اختاري صح هتكوني انسانه سويه محبوبه بتحبي نفسك وتحبي الحياه اللي وهبتك شريك حياتك.
