الشاعر أحمد إبراهيم النجار يكتب: مسيح…السلام

يكتب (مسيح السلام)

نحلم ساعات نضحك ساعات
وتمر ذكري بين الآهات
ونلم باقي فتات ذكريات
الجرح بات وسط الركام
واسأل سنيني انا إبن كام؟
معقول يا عمري
بتشيب في قدري
والقي الأماني حبة رفات
واصرخ في صمتي
واضحك واغني
في لحظة سكات
وارجع واغمض عيوني الجريحه
واحلم وطاير في وسط السحاب
في كوكب حقيقي خالي الدماء
يا بكرة يا ذكرى
بعيده
وصعيبه
كئيبه
مريرة
بطعم الأجاج
يا بكرة اللي فايت
مودع حبايب تحت التراب
يا كدبة كبيرة بغنوة عذاب
يا حيطة شقوق
وبابي الكسير
يا عمري اللي عدي
في لحظة هروب
يا امسي يا حاضر
يا بكرة اللي هاجر
طيورك في موت
مين اللي قاتل ؟
حلمي اللي عابر
في لحظة جنون
مين اللي فارح بدمعة يتيم
مشرد وباكي في لحظة غروب
بيصرخ بأه مابين المفارق
بدمعة عيون
يا كوكب لعين بعوضة جناح
يا كدبة حنين قنابل سلاح
دمار القلوب وظلمة دروب
بنادي المسيح اهبط هماك
في قبة دمشق بسلام والسلام
ده ذاد الفجور وصرخة غلام
بيصرخ في موت
مسيخ اللي قاتل
ده اعور وفاجر بيوقد بنات
ويقتل نساء ويحرق شيوخ
في كوكب لعين بجيفه وفاح
يا حلمي اللي نايم اسكن قبور
في جسدي اللي مااااااات
في جسدي اللي مااااااات
بقلم الشاعر المصري أحمد إبراهيم النجار

اليوم الثامن