الشاعر المصري أحمد إبراهيم
يكتب( بلياتشو )
اليوم الثامن
12/11/2019
متغربة بيا الحروف متغربة
لحظة دموع متجمعه
بين السطور لحظة دمور
اوتاد امل عايش زمن
غير الزمن مسرح كبير
بلياتشو على حبل الضياع
بيأدي دور مسرح كبير
جمهور
حضور
والدور
والدورمجرد حبل
ممدود بالجراح
والناس بتضحك والصفوف
مالهاش مدي صرخة صدي
دبلت ورود
محتاجه لي حبة ندا
والعيد مالوش ركعة سجود
متغربة كل الدروب
مشتاق شروق
يوم ترجعي
ده انا قلبي مشتاق للشروق
وعليا تيجي تقربي
وتمسحي خط العذاب
ده الدمع فااااااااااض
اه م الغياب
يا سمرة لي بتغربي
وبتهربي
وبتجرحي
مابترحمي
ولاليا لحظة بتسمعي
صرخة دموع
والليل مواطن في الضلوع
مالهاش رحيل
تدريس شقوق
عطشانه لحبة فرات
او دجلة او نيل جنتك
نهر اللبن او فرع نهر م العسل
او نور ينور طرحتك
يا سمرة ليكي بعشقك
من عصر ما قبل التاريخ
فوق السطور شغبيط قلم
جف المداد
وع الورق ضاعت نقط
واتحرفت صفحة كتاب
فستان فرح باهت بلون
لون الرصاص
مخطوط بنقش
والشمس رسم
مزينه طرحة سواد
طب امتي ليا هترجعي
بعد الغياب؟
مشتاق اكون على مسرحك
فارس بسيفي الحيدري
يا سمرة امتي هترجعي
ده البعد نار واكل سطور
والنور سجين
والحبل مالهوش منتهي
بلياتشو بين مسرح كبير
والجرح فاض والشوق ضباب
تدريس ملامح غربتك
انا بندهك
بعشقك
وف قلبي ساكنة ف مطرحك
مهما يطول بنا الغياب
حاضن كتاب في قصتك
كل التاريخ وية الصور
مش ناسي فيكي بسمتك
بعشقك بعشقك بعشقك
بقلم الشاعر المصري
احمد ابراهيم النجار
