حقيقة وفاة الطفلين “هنا وسليم” ترويها الام ….مش شاحن الموبايل السبب .. أقرأ التفاصيل
كتبت:أسماء محمد علي
كشفت السيدة “أمل النعامي “والدة الطفلين المتوفين في واقعة الشاحن :” انا مطمنة عليهم الحمد لله انهم في الجنة “، وذلك في أول حديث لها على حسابها الخاص منذ وقوع الحادث.
وكتبت أمل على حسابها الخاص على موقع التواصل الإجتماعي فيسبوك: «انا لله و انا اليه راجعون اللهم أجرني في مصيبتي وأخلف لي خيرا منها ربنا يرحم ولادي حبايبي روحي وكل حياتي انا مطمنة عليهم الحمد لله انهم في الجنة يمكن قلبي مكسور علي بعدهم عن حضني لكن مطمن عليهم».
وشرحت السيدة أمل والدة الطفلين،السبب الحقيقي للوفاة و تفاصيل الواقعة، حيث قالت: «الحادثة حصلت من تيار كهرباء زايد في مشترك في اوضتهم موصلين عليه كاميرا لأني كنت من الأمهات الموسوسة اللي طول الوقت بتحب تبقي شايفة ولادها حتي لو في الأوضة التانية ولأول مرة فصل الواي فاي والكاميرا وقفت وبما اني نزلت عشر دقايق اجيب حاجة للولاد بعد ما نامو كلمونا بلغونا ان في دخان طلبنا كسر الشقة و رجعنا جري لكن للاسف كان قضاء ربنا نفذ».
وتابعت: «روحهم اللي كانت في السما وهما نايمين فضلت فوق .الأوضة كلها ولعت من تيار الهوا اول ما فتحو الباب لأن المشترك كان بيطلع كربون مالي الاوضة زي أنبوبة البوتاجاز.طبعا مفيش موبيلات مسموح تدخل في أوضة الولاد المشترك كان متوصل عليه الكاميرا وتليفزيون الأوضة بس! لكن ربنا اختارهم و مهما حاولنا نحاوط علي ولادنا الحافظ هو ربنا و القرار قراره مهما كانت ارادتنا».
وأختتمت حديثها قائلة: «انا بكتب البوست ده عشان اوضح كل الأمور واشكر كل الناس اللي وقفت جمبنا إذا كان في السعودية أو في مصر والناس اللي جتلي من كل البلاد بس عشان تعزيني وتقف جمبي».
